Chega un ano máis o entroido, días nos que, segundo Vicente Risco,
"está permitido o que non está o resto do ano, en que se poden facer cousas que noutro tempo parecerían moi mal [...], o entroido presenta certo aspecto do "mundo ao revés".
Por esta razón, dende o EDL queremos animar a toda a comunidade educativa (alumnado, profesorado, conserxes, administrativa...) a que cada día da semana vaiamos traendo aquel accesorio que o meco situado no corredor nos irá indicando.
O noso particular "RAÑOLIX" será o encargado de dicirnos que adorno carnavalesco deberemos ir traendo. O primeiro aparecerá o venres 2 de febreiro e así cada día ata chegar ao seguinte venres no que gozaremos coas comparsas feitas polo alumnado.
Ah!!! E non esquezades que os complementos son acumulativos, ata o xoves debedes traelos todos e non deixar nadiña na casa.
Para que poidades ir organizándovos, aí vos van as indicacións para toda a semana.
O luns, aínda que de tolos che
pareza,
trae un adorno na cabeza.
O martes, se queres vir de bo humor,
trae un calcetín de cada cor.
O mércores, para
non te manchar,
un mandil has de
empregar.
O xoves, se non queres traer pixama,
entra con algo que empregues na cama.
O venres con
festa rematamos
e todos moi
guapos nos disfrazamos.
