E un ano máis chegou o día da festa da lingua e nós, como centro comprometido co galego, decidimos ir desta vez á vila veciña de Cangas. Primeiro traballamos na aula e elaboramos cartaces nos que amosabamos frases reivindicativas extraídas do manifesto que este ano gañou o concurso e logo fomos percorrer Cangas usando o galego e recordando que non hai proceso de normalización que vaia adiante sen o noso pulo individual. Aínda así, o impulso colectivo que o Correlingua lle dá ao galego anímanos a seguir loitando.
Non vos perdades as fotografías do tempo que lle adicamos aos xogos populares e sobre todo do interese que lle puxo o noso profe de Historia, bravo por Pedro!!!!! Que ben se lle dá o tiro da buxaina.
Para o ano máis e mellor.
Sem comentários:
Enviar um comentário